--------------------------------------------------------------------------------
تظل انت عراقي ودوم عالي الراس
وتظل انت منار ونور كل الناس
وتظل انت منبع الغيرة وراية احساس
وحق المصطفى الهادي وحق حسين والعباس
نتكاتف شيعة ويه سنة ونطرد الأرجاس
ها اخوتي ها ...
حل يومه طردك يالخائن حل يومه
حل يومه طردك يالخائن حل يومه
......
صدح صوت العراقي وصاح ياعباس
كلا طائفية كلا للظلم والأرجاس
ثورتنه بريئة مثل ابيض القرطاس
نعشكك ياعراق وحبنه ماينقاس
ايد باييد نصرخ صدك واحساس
ها اخوتي ها ....
كل غالي يرخص لعراقي ...كل غالي
كل غالي يرخص لعراقي ...كل غالي
...........
ايد باييد كلنه اليوم متحزمين
الشيعة والسنة كلهم عراقيين
عرب واكراد ازد ومسيحيين
علنو ثورة بيضه على الحراميين
ها خوتي ها ...ها
وحده احنه ها مانتفرق
وحده احنه ها مانتفرق
.............................
اني امك يوليدي وانت سلواي
اريدنك تثور وتهتف وياي
وتفدي الروح ويه دماك ودماي
لجل اعراقنا اليستاهل هواي
ها يوليدي ها ..ها
شلك بالروح مخليها ..الموت اوله وتاليها
.......
اني اختك ياعراقي واطلبك جلمة الخوه
واخبرك بابن اليهودية بحالي اسوه
تعذيب وسجن ويجبرني بالكوه
وغيرتك ماترضى تتدنس الحره
اريدك مثل عباس من وفه بالخوه
ها اخوتي ها ...
وفايه انتم للحره وفايه....
وفايه انتم للحره وفايه....
.......................
لاكهرباء لاماي لا وجبه زينه
منك يالمالكي غسلنه ايدينه
قتل وذبح والجوع هذا الجنينه
ميفيدك التخدير احنه صحينه
يوم الخامس وعشرين يشهد علينه
وبساحة التحرير وحدنه ايدينه
ها اخوتي ها ...ها
طردوه هالزمرة الشينه
طردوه هالزمرة الشينه
موضوع: اني اختك ياعراقي واطلبك جلمة الخوه